Straumur - ÍD 26

Hiroki Ichinose - Us moving on

Í gegnum tíðina hefur Hiroki Ichinose ítrekað flutt sig á milli borga, landa og heimsálfa. Með hverjum flutningi fylgja ekki aðeins eigur sem þarf að pakka niður heldur einnig minningar, sambönd og síbreytileg sýn á sjálfan sig. Us Moving On sprettur úr þessari persónulegu reynslu og veltir fyrir sér því sem við veljum að taka með okkur, því sem verður eftir og því sem reynist erfitt að sleppa takinu á. Verkið nálgast umbreytingar, ekki sem ferðalag milli tveggja staða, heldur sem sammannlega reynslu þar sem endalok skapa rými fyrir nýtt upphaf, sorg afhjúpar dýpt tengsla okkar og fyrri útgáfur af okkur sjálfum halda áfram að móta þær ákvarðanir sem við tökum.

Hiroki Ichinose er japansk-bandarískur danshöfundur og dansari frá Hawai‘i. Verk hans hafa verið sýnd víða um heim, meðal annars í Svíþjóð, Ítalíu og Japan, og spanna bæði sviðsverk, kvikmyndir og samstarf við tónlistarfólk. Meðal nýlegra verkefna eru dansverkin RED og Lay Him Quietly, auk tónlistarmyndbandsins Hold Me sem hann skapaði í samstarfi við Ane Brun. 
Ichinose var valinn einn af „25 to Watch“ af Dance Magazine árið 2016 og hefur á ferli sínum unnið með fjölmörgum virtum alþjóðlegum danshöfundum og danshópum. Hann starfaði m.a. um árabil með dansflokki Gautaborgaróperunnar en dansaði á síðasta ári með Íslenska dansflokknum og vann í kjölfarið Grímuna sem dansari ársins fyrir túlkun sína á Garðinum. 

Sóley Ólafsdóttir - Skjálftavaktin

Stökkbreytingin er óumflýjanleg, suðið er endalaust. 
Er það að umbreytast í suðið í eigin huga, eyðilegging eða eðlileg aðlögun í heimi á heljarþröm? Höfuðkúpan umbreytist í grjóthart stál í sjálfshjálparviðleitni. Mannskeppnan lifir á jarðskorpuflekum sem hreyfast til og skjálfa. Hreyfingar sveiflast milli ofurstýringar og stjórnleysis, líkaminn skelfur og verður að sníkjudýrinu í höfðinu sem ekki er hægt að stöðva eða stjórna. 
Hugsanir í ofur-örvuðu og grjóthörð höfðinu rekast endurtekið hvor á aðra við háan skell og hraunið sem myndar kúpuna utan um hugsanirnar verður á endanum að fá losun.  
Á Skjálftavaktinni er suðið varanlegt. Höfuðið á mér bráðnar inní höfuðið á þér í þögninni sem lýkur allt of fljótt.
Skjálftavaktin kannar suð hugans, oförvun og taugakerfið sem kóreógrafískt landslag. Verkið sveiflast milli stjórnunar og stjórnleysis þar sem líkami og hugsun leita leiða til að losa um spennu og finna tengingu.  

Sóley Ólafsdóttir er dansari og danshöfundur með BA-gráðu í samtímadansi frá Listaháskóla Íslands. Frá útskrift hefur hún skapað eigin verk, samið fyrir hópa og unnið með fjölbreyttum listamönnum innan sviðslista. Í verkum sínum rannsakar hún meðal annars hugsanamynstur, taugakerfið og tengsl líkamans við umhverfi sitt. 
Hún hefur komið fram í verkum eftir meðal annars Nooru Hannulu, Felix Urbina Alejandre, Maríu Ellingsen og Rósu Ómarsdóttur. Samhliða eigin verkum starfar hún með Leevi Mettinen undir nafninu BunnyVerse Company sem skapar dansverk fyrir börn. Árið 2025 hlaut hún hinn virta danceWEB-styrk, innan Impulstanz-hátíðarinnar, undir handleiðslu Raja Feather Kelly.

Leevi Mattinen - Blue Wall

Blue Wall eftir Leevi Mettinen er dansverk sem rannsakar óttann og þær birtingarmyndir sem hann getur tekið á sig. 
Með því að hafna línulegri frásögn og hefðbundinni rökvísi sækir verkið innblástur í málverk sem kanna mörkin milli sársauka og nautnar. Það dregur jafnframt fram einstaklingsmiðaða sýn á mannslíkamann og tengsl velferðar og hernaðar. Í gegnum þetta landslag leitast tveir dansarar við að gefa óttanum form og miðla því hvernig hann getur birst og fundist. 
Verkið og innri rökfræði þess leitast einnig við að varpa ljósi á og efast um skynsemi óttans og viðfangsefni hans. Bæði áþreifanlegur og óhlutbundinn ótti eru raunveruleg fyrirbæri og þetta er óður til þeirra.

Leevi Mettinen er finnskur dansari og danshöfundur með aðsetur í Reykjavík. Hann útskrifaðist með BA-gráðu í samtímadansi frá Listaháskóla Íslands árið 2025 og var valinn til þátttöku í hinu virta danceWEB-prógrammi innan Impulstanz-hátíðarinnar, undir handleiðslu Isabel Lewis. 
Í verkum sínum vinnur Leevi gjarnan á mörkum hreyfingar, myndlistar og samfélagslegra hugmynda. Samhliða eigin listsköpun stendur hann að gjörninga- og sviðslistarhátíðinni Komum út í mínus ásamt samstarfsfélögum sínum Bertine og Mörtu.

Sarah Aviaja Hammeken - Untitled

Verkið sækir innblástur í grænlenskar inúítasagnir og rannsakar hið viðkvæma samband milli mannkyns, samkenndar og tengsla okkar við heiminn í kringum okkur. 
Í menningu Inúíta eru goðsagnir meira en einfaldar frásagnir, þær eru leiðarvísar að lífinu. Þær hafa gengið milli kynslóða og miðla virðingu fyrir náttúrunni, ábyrgð gagnvart öðrum og meðvitund um afleiðingar gjörða okkar. Verkið sækir innblástur í þessar sagnir sem eru oft á tíðum sérkennilegar, ógnvekjandi og oft hrjúfar í myndmáli sínu. Þær beina oftar en ekki sjónum að dekkri hliðum mannlegrar hegðunar. 
Verkið umbreytir þessum fornu frásögnum í samtímalega íhugun um samtíð okkar. Í heimi sem virðist sífellt sundraðri og miskunnarlausari spyr það hvað gerist þegar við glötum hæfni okkar til samkenndar og umhyggju. Hvað verður um okkur þegar við gleymum þeim gildum sem eitt sinn tengdu okkur hvert öðru, náttúrunni og okkur sjálfum? 

Sarah Aviaja Hammeken er grænlensk-danskur danshöfundur og stofnandi AVIAJA Dance. Verk hennar spretta gjarnan úr samtali á milli líkamans, samfélagsins og menningararfs hennar sem Inúíta. 
Undanfarin ár hefur hún vakið mikla athygli fyrir verk á borð við SILA, SOIL, Speech/less og WHITEOUT. Verk hennar hafa verið sýnd víða á Norðurlöndum, meðal annars á ICEHOT-hátíðinni í Ósló, og árið 2024 var hún valiní Young Artistic Elite starfsþróunarverkefni Danska listaráðsins. Nýjasta verk hennar, WHITEOUT, var frumsýnt í Dansehallerne í Kaupmannahöfn í febrúar 2025 og var einnig sýnt í Nuuk, Þórshöfn og Tromsø. 

ENGLISH

Hiroki Ichinose - US MOVING ON

Us Moving On explores transition, memory, and the experiences we carry with us through life. Inspired by personal experiences of moving between countries and cultures, the work reflects on belongings, relationships, identities, and former versions of ourselves that continue to shape who we become. Through movement, the work considers what we choose to carry forward, what we store away, and what we ultimately leave behind.

Hiroki Ichinose is a Japanese-American choreographer and dancer from Hawai‘i. His work has been presented internationally in Sweden, Italy, and Japan, and he has collaborated with artists including Ane Brun and Little Dragon. A former member of GöteborgsOperans Danskompani, he was named one of Dance Magazine’s “25 to Watch” and received the 2026 Griman Award for Dancer of the Year.

Sóley Ólafsdóttir - THE TREMOR WATCH

The Tremor Watch explores overstimulation, thought patterns, and the body's response to an increasingly demanding world. Moving between control and loss of control, the work examines how the nervous system manifests through movement and how connection can offer moments of release, warmth, and transformation.

Sóley Ólafsdóttir is an Icelandic dance artist and choreographer. Since graduating from the Iceland University of the Arts, she has created her own works, collaborated across disciplines, and performed in works by numerous Icelandic choreographers. She is co-founder of BunnyVerse Company and was recently awarded a danceWEB scholarship at ImPulsTanz under the mentorship of Raja Feather Kelly.

Leevi Mettinen - BLUE WALL

Blue Wall explores fear and the many forms it can take. Through a choreography that moves between somatic practices, power dynamics, image-making, and physical expression, two dancers embody both concrete and abstract fears. The work seeks to give shape to something intangible while questioning the rationality of fear and its powerful influence on our lives.

Leevi Mettinen is a Finnish dance maker based in Reykjavík. A graduate of the Iceland University of the Arts, his work explores physicality, imagery, and contemporary social themes. In 2024, he was selected for the prestigious danceWEB programme at ImPulsTanz, and he co-runs the grassroots performance festival Komum út í mínus.

Sarah Aviaja Hammeken - UNTITLED

Drawing inspiration from Greenlandic myths, Sarah Aviaja Hammeken explores the role of storytelling in shaping values, responsibility, and our relationship to one another and the world around us. The work reflects on compassion, respect, and what may be lost when the values that once grounded communities begin to disappear.

Sarah Aviaja Hammeken is a choreographer and performer of Danish and Greenlandic heritage. She founded AVIAJA Dance in 2019 as a platform for her choreographic practice, drawing inspiration from the relationship between body, society, and Greenlandic culture. Her work has been presented internationally, and she was selected for the Danish Arts Foundation’s Young Artistic Elite programme.